جوّ الصيف في البرمجة الجديدة لموزاييك !
موزاييك ترافقكم في الصّيف ببرمجة خاصّة تنسجم مع جوّ الخرجات والمهرجانات.
وكيما عودتكم موزاييك، تكتشفوا في البرمجة الصيفيّة برشة مفاجآت ومسابقات مع أصوات تعوّدتوا عليها وأخرى جديدة، وترافقكم بداية غدوة السبت 9 جويلية 2016 لمدّة شهرين.
صبحيتكم تبدا مع ليندا الرحالي في أحلى صباح كلّ يوم من الاثنين للجمعة من 6:00 حتى 11:00 ومعاها برشة أخبار وجوّ وربح.
أمينة بن دوّة تقدملكم ميدي شو من الاثنين للجمعة وتستضيفلكم في كلّ مرّة العديد من الضيوف وتبعلكم آخر الأخبار والأحداث السياسيّة والإجتماعيّة والإقتصادية.
سوسن الغريبي في تبع الموجة من 14:00 حتى 17:00 اطلّ عليكم كلّ يوم وتشيخكم موزيكا.
وما تنساوش الموعد اليوم لهادي زعيم في كورنيش كلّ يوم سويعة من زمان من 17:00 حتى 18:00 ومعاه تكتشفو أخبار المهرجانات والعروض الفنية وكل الأعمال الثقافيّة.
'ميدوكس' يجيكم في بنة الأف أم في السهرية من 21:00 حتى 00:00 وتنجموا تقدّموا إهداءاتكم وتربحوا 400 دينار كلّ يوم.
ما تنساوش الموزيكا اللي يقدّمهالكم دي جي موزاييك، برشة جو والجديد مع دي جي ريحان وراف ودنجر دافيد قيتا وغيرهم ..
في الويكاند زادة معاكم، وموعدكم مع هاجر التليلي في صباح الخير ويكاند كلّ سبت وأحد من 6:00 حتى 11:00، معاها تكتشفوا آخر الأخبار وتربحوا 1000 دينار كاش.
بعدها يجيكم محمد علي السويسي في عوم بحرك من 14:00 حتى 18:00 اللي يدللكم بالموزيكا الجديدة.
موزاييك اليوم في كلّ الولايات ترافقكم .. تونّسكم وتربحكم !