صيّافي وسنين دايمة على موزاييك !
موزاييك ترافقكم في الصّيف ببرمجة خاصّة تنسجم مع جوّ الخرجات والمهرجانات.
وكيما عودتكم موزاييك، تكتشفوا في البرمجة الصيفيّة برشة مفاجآت ومسابقات مع الأصوات اللي تعوّدتوا عليها، وترافقكم بداية من نهار الاثنين 2 جويلية 2018 لمدّة شهرين.
صبحيتكم تبدا مع ليندا الرحالي في أحلى صباح كلّ يوم من الاثنين للجمعة من 6:00 حتى 11:00 ومعاها برشة أخبار وجوّ وربح.
أمينة بن دوّة تقدملكم ميدي شو من الاثنين للجمعة وتستضيفلكم في كلّ مرّة العديد من الضيوف وتعطيكم آخر الأخبار والأحداث السياسيّة والإجتماعيّة والإقتصادية.
سوسن الغريبي في تبع الموجة من 14:00 حتى 17:00 اطلّ عليكم كلّ يوم وتشيخكم موزيكا.
وما تنساوش الموعد اليوم لهادي زعيم في كورنيش كلّ يوم سويعة من زمان من 17:00 حتى 18:00 ومعاه تكتشفو أخبار المهرجانات والعروض الفنية وكل الأعمال الثقافيّة.
مالك العوني يجيكم في برنامج جديد اسمو اللي شاح يلبس من 18:00 حتى 21:00 وفيه برشة ضحك وجوّ خفيف.
في السهرية بنة الأف أم من 21:00 حتى 00:00 وتنجموا تقدّموا إهداءاتكم وتربحوا برشة فلوس كلّ يوم.
ما تنساوش الموزيكا اللي يقدّمهالكم دي جي موزاييك، برشة جو والجديد مع دي جي ريحان وراف ودنجر دافيد قيتا وغيرهم ..
في الويكاند زادة معاكم، موعدكم مع هيفاء بن عمر في صباح الخير ويكاند كلّ سبت وأحد من 6:00 حتى 11:00، معاها تكتشفوا آخر الأخبار وتربحوا فلوس كاش.
بعدها يجيكم محمد علي السويسي في عوم بحرك من 14:00 حتى 18:00 اللي يدللكم بالموزيكا الجديدة.
موزاييك اليوم في كلّ الولايات ترافقكم .. تونّسكم وتربحكم !