معلول يرد على منتقديه : 'الملاعبي لازمو النّقد موش سبّان العائلات'

2018/07/01 12:56

رد لاعب المنتخب الوطني التونسي علي معلول على موجة الانتقادات التي طالته بعد أدائه السّيء مع النسور في مونديال روسيا، معبرا عبر حسابه الخاص على إنستغرام عن أسفه الشديد للانتقادات التي تعرض لها والتي طالت عائلته.

وجاء في تدوينة معلول "صحيح خروجنا من كأس العالم كان صعبا علينا، صحيح لم أكن في أحسن مستوياتي وارتكبت أخطاء، أتحمل مسؤوليتها".

وتابع 'خممت برشا قبل ما نهبط الكلام هذا أما بعد الحملة الكبيرة يلي صارت عليا قلت توضيح صغير باش نفهم برشا ناس. صحيح خروجنا من كاس العالم كان صعيب علينا الناس الكل وصحيح أنا ما كنتش في أحسن مستوايا وغلطت أغلاط نتحمّل مسؤولياتي فيهم ونلوم كان روحي عليهم أما فما برشا ناس استغلت الحاجة هاذي وحبت تركب على الأحداث وهوما ما عندهم حتى فكرة على كرة القدم وحبت تعمل ال buzz على حسابي حبيت انفكرهم خاطر الذاكرة متاعهم صغيرة و قصيرة برشا يلي أنا قدمت مقابلات كبيرة مع المنتخب من أول ما لعبت.'

وعاب معلول، على الجماهير التي شتمت عائلته، قائلا ' أما الناس يلي تسب فيا وفي عائلتي وحاجات غريبة أكثر من هذا الكل حبيت نفكرهم راهو الملاعبي لازمو النقد أما مش سبان عائلات ونحب زادة نشكر الناس يلي وقفت معايا ويلي بالحق تعرف قيمة علي معلول..اخر القول علي معلول أحسن ظهير أيسر في إفريقيا وهذا مش كلامي أنا الأرقام الكل تقول هذا و ان شاء الله نقعد ديما هكا.تحيا تونس..'