''لُخرين'' أغنية تجمع ثنائي Ÿuma من جديد وهذه كلماتها
شارك ثنائي Ÿuma المتكون من رامي الزغلامي وصبرين الجنحاني متابعيهما على فايسبوك صورة مفادها أنهما يعودان للغناء سويا بعد انقطاع دام سنة ونيف.
يعود ثنائي يوما بأغنية جديدة عنوانها "لُخرين". وفيّان لعادتهما، تحمل المقطوعة مغزى وهو أن التكامل بين الأفراد يكمن في اتحادها مع بعضها البعض.
تقول كلمات الأغنية:
من زين الليلة يبان صباح
و ندق على شباك الجار
و نزين حرجو بالياسمين
و نقرت سمعي بحكايات
يذوبوا فيها حدود الناس
و بلايص ما شافتهم عين
و نعلق بجوانح واكتاف
نفس الغيمة تسقي تراب
و زيد المية و زيد الطين
و نعلي برج يبوس سماه
و نادي للبعيد يراه
و نقدم خطوة للخرين
في البال و غير ساهين
بتنا بين نور و ضلال
و فرحنا كيف زار زمان
و نعمنا للطير كي طار
في البال و غير ساهين
بتنا بين نور و ضلال
و فرحنا كيف زار زمان
و نعمنا للطير كي طار
من زين اليلة إلي تفتاح
نجوم الكاف و شط الغار
و قمرة تضوي مالشيرتين
و كيف الغايب عالانظار
ساكن ديمة قلوب الناس
ينام و بالو في لخرين
في البال و غير ساهين
بتنا بين نور و ضلال
و فرحنا كيف زار زمان
و نعمنا للطير كي طار
يذوبوا فيها حدود الناس
و نقدم خطوة للخرين
و نعمنا للطير كي طار
و نعمنا للطير كي طار
و نعمنا للطير كي طار
وشارك في تصميم غلاف الـ single الرسامة اللبنانية نادين فغالي المكناة بـ Viola illustration.